Eins og fjármögnunarleigusamningar, byggja kaupleigusamningar á því að kaupandi tækis semur við SP-Fjármögnun um að greiða það niður með leigugreiðslum í ákveðinn tíma. SP-Fjármögnun er því eigandi tækisins á meðan á leigutíma stendur, en leigutaki hefur fullan umráðarétt yfir því á meðan.

 

Þegar atvinnutæki er tekið á kaupleigu er það eignfært í bókum leigutaka á leigutímanum og getur hann því fært afskriftir til gjalda ásamt vöxtum og kostnaði af leigugreiðslum. Hann fær þó ekki eignarhald í atvinnutækinu fyrr en við lokagreiðslu.

 

Munurinn á fjármögnunarleigu og kaupleigu felst því einkum í mismunandi bókhaldslegri og skattlegri meðhöndlun, en kjör þeirra eru hin sömu.

SP-Fjármögnun greiðir kaupverðið án virðisaukaskatts. Leigan reiknast af kaupverði án virðisaukaskatts en leigutaki greiðir allan virðisaukaskattinn til seljanda strax í upphafi. Leigutakinn fær virðisaukaskattinn endurgreiddan sé hann með virðisaukaskattskyldan rekstur. Því leggst enginn virðisaukaskattur ofan á leigugreiðslur.

HVERJUM HENTAR KAUPLEIGA?

• Kaupleiga hentar betur en fjármögnunarleiga í þeim tilfellum þegar ekki er um skattskyldan rekstur að ræða, eða ef tækið er ekki klárlega hugsað til atvinnurekstrar.
• Kaupleiga er hentugur fjármögnunarvalkostur fyrir stórar og meðalstórar fjárfestingar ætlaðar fyrir aðila sem ekki vilja binda um of rekstrarféð.
• Leigutaki getur nýtt sér afskriftir af tækinu eins og um venjuleg kaup væri að ræða og því getur verið hentugt að nýta sér kaupleiguformið í lok árs og ná þannig fram heils árs afskrift.