Rekstrarleiga er spennandi kostur sem hefur átt miklum vinsældum að fagna víða um heim og hefur nú rutt sér til rúms hér á landi.  Rekstrarleiga er þríhliða óuppsegjanlegur leigusamningur á milli þriggja aðila, þ.e. leigutaka, seljanda og SP-Fjármögnunar.  Hingað til hefur verið mest um rekstrarleigu á bifreiðum til atvinnureksturs en einnig hefur tölvubúnaður og ýmsar vinnuvélar verið teknar á rekstrarleigu.

Rekstrarleigusamningur byggir á því að SP-Fjármögnun kaupir það tæki sem viðskiptavinur óskar og leigir honum til fyrirfram umsamins tíma.  Í lok samningstíma skilar leigutaki síðan tækinu til seljanda. 

Á hverja leigugreiðslu leggst virðisaukaskattur.  Fyrirtæki sem stunda virðisaukaskattskylda starfsemi fá virðisaukaskattinn endurgreiddan í formi innskatts (á ekki við um bifreiðar á bláum númerum).  Eins og í fjármögnunarleigu gjaldfærir leigutaki mánaðarlegar greiðslur að fullu, bæði í skatt- og fjárhagsuppgjöri.

Samningstími getur verið allt frá 12 mánuðum til 48 mánaða.

 

HVERJUM HENTAR REKSTRARLEIGA?

• Hentugur valkostur fyrir aðila sem leggja mikið upp úr því að hafa til umráða nýlegan búnað og vilja ekki binda rekstrarfé í tækjabúnaði.
• Rekstrarleigusamningar henta best fyrirtækjum og rekstraraðilum sem eru með t.d. marga bíla í umferð og endurnýja þá ört.
• Rekstrarleiga hentar best fyrir atvinnubíla í öllum stærðarflokkum en einnig getur þessi tegund fjármögnunar hentað vel fyrir tölvubúnað og vinnuvélar af ýmsum stærðum. Það er þó háð samningum við hvert og eitt umboð.
• Fyrirtæki skilar leigumun í lok leigutíma og er laust allra mála ef hann er í eðlilegu ástandi.  Einfalt er að gera nýjan samning um nýjan leigumun og þannig getur fyrirtækið skipt reglulega og verið laust við endursöluáhættu.